عاشق الجهاد
03-05-2005, 05:32 AM
السلام عليكم ورحمة الله وبركاته
النهاردة هنتكلم مع بعض على حاجة لازم تِتعِمل ومعظمنا مش بيعملها ... وللأسف معظمنا بينساها ومش عارف قيمتها وفوايدها وإللي بتعود عليه بالنفع 100% وبتعمل مفعولها بعد لما ننتهي من قراءتها فوراً (إن شاء الله طبعاً).
هيا إيه الحاجة دي ؟!! ... أقولكوا ....
هيا أذكار الصباح والمساء ... حد هيقول يااااااه .. هيا دي الحاجة المهمة أوي ... هارُد عليه وأقول له أيوه .. وهحاول أقربهالكو بمثال كده بسيط
لما بيكون فيه مصور للبحار والأسماك ويحب يصور أسماك القرش بيعمل إيه عشان يحمي نفسه من هجمات سمك القرش؟ .. بينزل البحر يصور بس بيكون موجود داخل قفص حديدي حتى لا يكون فريسة لسمك القرش .. مزبوط؟
طيب نتخيل إن هذا المصور حب يصور سمك القرش ونزل البحر بدون هذا القفص الحديدي ... باللهِ عليكم هيكون مصيره إيه؟ .. هيكون معرض نفسه للخطر بنسبة كبيرة جداً وللا لأ؟!! أكيد أيوه
أهو أنا أحب أربطلكوا فكرة القفص الحديدي بـ أذكار الصباح والمساء .. فيها تحصين ضد شياطين الإنس والجن وفيها حفظ من الله للعبد من أي سوء يمسه وفيها وقاية ومنع لأي مصيبة أو سوء ممكن أن يصيبه ... بأه فيها كل ده ونسيبها؟
يعني ربنا بيبعتلك القفص الحديدي إللي تدخل فيه قبل ما تنزل شغلك ومدرستك وكليتك وتعمل مشاويرك أو حتى وإنت في بيتك .. بعتلك إللي يحميك (يحميك إنت .. إنت) وإنت تكسل تدخل القفص الحديدي ... وبعدين لما يجيلك سمك القرش ويفتح فكه ليفترسك تعمل إيه ؟ تقعد تعيط؟
طب ما كان من الأول يا إبني :)
طيب .. نِتِفِق مع بعض على إتفاق!! ... كل واحد يجرب يقولها ويواظب عليها من 3 إلى 4 أيام وبعد المدة دي يبعتلي على إيميلي ويقوللي حَس بإيه ... واللهِ ثم واللهِ ثم واللهِ إحساس مختلف .. إحساس بالأمان لأنك بتكون في (مَعِية الله) يعني في حفظ الله ورعايته إحساس بالطمأنية والسكينة إحساس كده بإنك ... مُغَلَّف ... غريب المصطلح ده .. بس برضه زي ما دايماً بقول مش هتحس بيه إلا لما تواظب على الأذكار.
باللهِ عليكو هل الإحساس ده مايستاهلش منك محاولة المداومة على الأذكار 3 أيام؟
إحساس إن ربنا بيحصنك من كل سوء واللهِ يا جماعة فعلاً من كل سوء .. الإحساس ده هيستاهل المحاولة والمداومة .. ولو مشغول .. فَضي نفسك .. ولو ناسي .. إفتكر .. ولو لسه مش متعود تقرأها وتحافظ على مواعدها .. إغصب على نفسك في الأول وبعدين هاتتعود ...
أحبائي في الله .. جربوها وقولولي.
وماتنسوش إن ليها مواعيد ... يعني زي المضاد الحيوي مثلاً، بيكون مفعوله لمدة 12 ساعة فقط ... فا عشان يعمل الدوا تأثير لازم بعد الـ 12 ساعة تاخد الحبة التانية ..
وده حال الأذكار بالزبط .. وقت أذكار الصباح يبدأ من بعد الفجر .. (مش كلنا بإينا الحمد لله بنصلي الفجر حاضر وللا إيه النظام ؟! ) :)
فا أذكار الصباح وقتها من الفجر حتى العصر ويليها عالطول أذكار المساء ووقتها من بعد العصر إلى الفجر.
إتكلمنا كتير أوي النهاردة ... بس لو تعرفوا .. أنا من الناس إللي حياتهم إتغيرت كتير أوي بعد ما واظبت عليها .. صدقوني هتحبوا إنتو كمان تواظبوا عليها عشان أموركو تستقيم إن شاء الله تعالى.
بحبكوا في الله :)
والسلام عليكم ورحمة الله وبركاته
ليس بقلمي و إنما بقلم أحد عباد الله الصالحين و تم نقلها
أسأل الله أن يفعنا و إياكم بها ... اللهم آمين
النهاردة هنتكلم مع بعض على حاجة لازم تِتعِمل ومعظمنا مش بيعملها ... وللأسف معظمنا بينساها ومش عارف قيمتها وفوايدها وإللي بتعود عليه بالنفع 100% وبتعمل مفعولها بعد لما ننتهي من قراءتها فوراً (إن شاء الله طبعاً).
هيا إيه الحاجة دي ؟!! ... أقولكوا ....
هيا أذكار الصباح والمساء ... حد هيقول يااااااه .. هيا دي الحاجة المهمة أوي ... هارُد عليه وأقول له أيوه .. وهحاول أقربهالكو بمثال كده بسيط
لما بيكون فيه مصور للبحار والأسماك ويحب يصور أسماك القرش بيعمل إيه عشان يحمي نفسه من هجمات سمك القرش؟ .. بينزل البحر يصور بس بيكون موجود داخل قفص حديدي حتى لا يكون فريسة لسمك القرش .. مزبوط؟
طيب نتخيل إن هذا المصور حب يصور سمك القرش ونزل البحر بدون هذا القفص الحديدي ... باللهِ عليكم هيكون مصيره إيه؟ .. هيكون معرض نفسه للخطر بنسبة كبيرة جداً وللا لأ؟!! أكيد أيوه
أهو أنا أحب أربطلكوا فكرة القفص الحديدي بـ أذكار الصباح والمساء .. فيها تحصين ضد شياطين الإنس والجن وفيها حفظ من الله للعبد من أي سوء يمسه وفيها وقاية ومنع لأي مصيبة أو سوء ممكن أن يصيبه ... بأه فيها كل ده ونسيبها؟
يعني ربنا بيبعتلك القفص الحديدي إللي تدخل فيه قبل ما تنزل شغلك ومدرستك وكليتك وتعمل مشاويرك أو حتى وإنت في بيتك .. بعتلك إللي يحميك (يحميك إنت .. إنت) وإنت تكسل تدخل القفص الحديدي ... وبعدين لما يجيلك سمك القرش ويفتح فكه ليفترسك تعمل إيه ؟ تقعد تعيط؟
طب ما كان من الأول يا إبني :)
طيب .. نِتِفِق مع بعض على إتفاق!! ... كل واحد يجرب يقولها ويواظب عليها من 3 إلى 4 أيام وبعد المدة دي يبعتلي على إيميلي ويقوللي حَس بإيه ... واللهِ ثم واللهِ ثم واللهِ إحساس مختلف .. إحساس بالأمان لأنك بتكون في (مَعِية الله) يعني في حفظ الله ورعايته إحساس بالطمأنية والسكينة إحساس كده بإنك ... مُغَلَّف ... غريب المصطلح ده .. بس برضه زي ما دايماً بقول مش هتحس بيه إلا لما تواظب على الأذكار.
باللهِ عليكو هل الإحساس ده مايستاهلش منك محاولة المداومة على الأذكار 3 أيام؟
إحساس إن ربنا بيحصنك من كل سوء واللهِ يا جماعة فعلاً من كل سوء .. الإحساس ده هيستاهل المحاولة والمداومة .. ولو مشغول .. فَضي نفسك .. ولو ناسي .. إفتكر .. ولو لسه مش متعود تقرأها وتحافظ على مواعدها .. إغصب على نفسك في الأول وبعدين هاتتعود ...
أحبائي في الله .. جربوها وقولولي.
وماتنسوش إن ليها مواعيد ... يعني زي المضاد الحيوي مثلاً، بيكون مفعوله لمدة 12 ساعة فقط ... فا عشان يعمل الدوا تأثير لازم بعد الـ 12 ساعة تاخد الحبة التانية ..
وده حال الأذكار بالزبط .. وقت أذكار الصباح يبدأ من بعد الفجر .. (مش كلنا بإينا الحمد لله بنصلي الفجر حاضر وللا إيه النظام ؟! ) :)
فا أذكار الصباح وقتها من الفجر حتى العصر ويليها عالطول أذكار المساء ووقتها من بعد العصر إلى الفجر.
إتكلمنا كتير أوي النهاردة ... بس لو تعرفوا .. أنا من الناس إللي حياتهم إتغيرت كتير أوي بعد ما واظبت عليها .. صدقوني هتحبوا إنتو كمان تواظبوا عليها عشان أموركو تستقيم إن شاء الله تعالى.
بحبكوا في الله :)
والسلام عليكم ورحمة الله وبركاته
ليس بقلمي و إنما بقلم أحد عباد الله الصالحين و تم نقلها
أسأل الله أن يفعنا و إياكم بها ... اللهم آمين