حفلة اطلاق نار دون خسائر !!!

[wa7sh]

حفلة عرس في احد شوارع مدينة غزة التي تزخر في فصل الصيف بأعراسها وحفلاتها ........... حفلة شباب بالشارع ........... معازيم كتير ........... طبلة وغنية وزغروتة .............. ناس فرحانين ............ عريس بيدبك ....... تهاني من كل حدب وصوب ............ أبو علي يهنئ العريس واجدع سلام ............ عصير ودخان ............. ناس مبسوطين ............

فجأة واحد متهور بدو يهني العريس ............ مسلح طبعا .............. مسك السيجارة بايد والكلاشنكوووف بايد وطب سلخ رصاص ...........ز مال الكلشن من ايدوا ولف عالمعازيم .............. ما صار شي كتير وخطير ..........ز بس 17 اصابة احداها خطير !!! ومبرووووك للعريس


عادي ......... ما تستغرب ......... في غزة بتحصل كتير ........ قبلها مات احد المعازيم ومرة تصاوب العريس وعمو .... شيئ عادي .................

وبيقولك فوضى سلاح ............... اللي كان بيطخ وبيستعرض ما كان مقاوم ولا فلاح .............. بالعكس كان من اللي بيدعو الى سحب السلاح .......... لا تتعجب

العجب لما تعرف انو سعر الرصاصة 30 شيكل اي ما يعادل 8 دولار ............... كلو بيهون بس يفرح العريس .

هاي كانت قصة حصلت بغزة من يومين ..................... والسلام خير ختام

الــــــــــــــــــوحش

[سعيد]

ha ha ha ha
هههههههههههه
كهكهكهكهكهكهكهك
hhhhhhhhhhhhhh
اضحك الله سنك اخي الوحش

بعتلك ضحكتين بالعربي وضحكتين بالانجليزي

والله يخو صاير بهل ايام الي ما بينضخ في عرسو بيقولو عنو جبان _ وهامل _ ما عندو سلاح

المشكله في مثل بيقول الي ما بيقل عقلو ما بيفرح

يعني حتا الي بيفهم والي ما بيفهم بدو ايقل عقلو حتا يفرح

هاد الي بلا عقل ما بيحتاج هاد المثل لكن الي عندو عقل عاد ضروري الو هاد المثل صح

مشكور اخي

[إيمان]

ههههههههههههههههههه
يا مثبت العقل والدين
الله يهديهم يارب
شكرا لك اخي وحش على هذا الموضوع يعطيك الف عافيه
اخي سعيد ما في ضحكه بالالماني هههههههههههههههههه الله يسعدك يارب ويبارك فيك
اضحك الله سنكم يارب

[نسمه]

ليش هو الضحك اصبح بلغات اختي ايمان ههههههههههههه من هذا كل ما اشوف حكام العرب بيضحكون اقول ليش ضحكتهم تختلف عن ضحكت الشعب الحين فهمت لا تضحكين اختي ايمان هههه تحياتي لك... ما علينا خلينا في العريس والخيبة لي هو فيها والله اخي الوحش مثل ما قالت اختي القدس انت وحش الشاشة ولا وحش منتدى فلسطين المسلمة جزاك الله على هذا الموضوع ونحن اخي في زمن انقلبت فيه الموازين وبدل ما نوجه سلاحنا على العدو على الاقل نطخ واحد ولا ثنين تيهنا بعد قمنا نقتل بعضنا البعض الله يستر علينا وتبت عقولنا قول امين سلامي للجميع...

http://members.lycos.nl/whitoutwords/hpbimg/nasma.gif

[wa7sh]

و الله ضحكتوني عن جد يا جماعه من كتر ما ذكرتم الضحك وضحكتم .

ههههههههههه

بارك الله فيكم جميعا على هذا المرور اللطيف ونسأل الله ان يصلح الحال.

والسلام

[almajd]

هلا بالوحش والله يا عم الوحش في وقت اصبح كل من يحمل سلاح يعتبر نفسه رامبو فكل شيء جايز.اول ما اجت السلطه يا وحش انا شفت واحد لابس شريطين رصاص من العيار الثقيل وحامل كلاشنكوف مع العلم ان الرصاص الذي معه لا يركب على الكلاشنكوف وكان مختالا سعيدا ولسان حاله يقول اشتدي يا ارض ما عليك حدا قدي.هذا اول ايام السلطه الميمونه وقلت ممكن ردة فعل طبيعيه وستنتهي لكن لم تنتهي يا وحش وصار المرافق يحكم ويرسم وبياع البندوره الي بتشتري منه زوجة العقيد يكتب اعلان الي بدو اي شيء ييجي عندي.يعني حاله تعبانه يا عم الوحش. ما بعرف يا عم الوحش لماذا يذكرني اسمك بوحش غزه الي كان بالسبعينات ابو نصر اعتقد انك تعرفه كان هذا الوحش وحش بزمانه وعندما خرج مع تبادل الاسرى خرج وما زال يعتقد انه وحش المهم امام طابور من السيارات تقدم بسيارته امام كل السيارات التي تنتظر على الدور وطلب من صاحب المحطه ان يكون هو اول واحد بالدور استنكر صاحب السياره الواقفه بعده الذي حدث وذهب اليه وقال له يا اخي يعني كل هالناس مش امليه عينك. نظر اليه الوحش من فوق لتحت ومن تحت لفوق وقال له مش عارفني مين انا قال له لا بنتشرف قال له انا الوحش نظر صاحب السياره حوله وقال له شو يعني قال له يعني بدي اخذ دورك فقال له صاحب السياره نعم انت الوحش انتظر وذهب الى سيارته واحضر الجك وقال له انت الوحش وانا التنين وخلعه على راسه ضربة جك اسفرت حسب راي المتابعين والمحللين الى 7 غرز براس الوحش, فرامبو اليوم وبلطجي الامس وفتوة بكره جميعهم الى زوال والى مزابل المجتمع
ولك تحياتي عمنا الوحش

[الشهيـــ الحي ــــــــد]

السلام عليكم

اول شي مشكور اخي الكريم وحش يا بركه

تاني اشي اخي هادي مش اول مره قبل مده مات فيها العريس مش غريبه يعني بدل ما يدخل دنيه خليه يدخل

اخره هههههههههههههههه قال بدو يفرح العريس حرام هو الواحد اكم مره بيتجوز ......... عند الفرح والحفل

بتلقي الف سلاح ......... لا وكمان سلاح من نوع تقيل ......... نفسي ونور عيني القي ال بيرفع السلاح في الحرب

موجود في الاجتياح ......... لعنه الله عليهم ......... والله المستعان


وتقبل تحياتي اخي

الشهيد الحي

[wa7sh]

و الله يا مجد صار الوضع عنا لا يطاق

وحتستغرب اكتر لو عرفت انو الحادثة حصلت في حي الشيخ رضوان

حي المجاهدين


عموما نسال الله ان نكون وحوشا على الاعداء مش على بعض


الشهيد الحي بشكر مرورك وتحياتي الك حبيبي

سلام

[Nour_Elquds]

مشكوووووووووووووووووووووووووووووووور يا وحش
هذا الامر صار عنا اكتر من عادي
الشاطر هو اللي بيحمل سلاحه و بيتفاخر بيه و مش داري ايش الله مخبي ليه
يا رب الله يسترنا و يستر امة المسلمين
و احفظنا من زخات هالرصاص